راندا البحيري ترد بقوة على المسيئين لصورة المرأة المصرية
شنت الفنانة راندا البحيري هجومًا حادًا على المسيئين للمرأة المصرية، مؤكدة أن الكثير من السيدات يتحملن مسؤوليات كبيرة داخل أسرهن في ظل ظروف قاسية، ووجهت انتقادات لاذعة لمن يطلقون أحكامًا عامة أو يقللون من شأن النساء، مشيدة بقصص الكفاح التي خاضتها العديد منهن في تربية الأبناء وإعالة أسرهن.
انتقادات لاذعة للمسيئين
كتبت راندا البحيري عبر حسابها الرسمي بموقع التواصل الاجتماعي “فيسبوك”: “فيه أكونت لشخص ما كل شويه ينزل صور بنات عرايا تقريبًا تمامًا، شهم زي القمر بس لابسين عريان وعاملين شعرهم ولينسز وعلي سنجة عشرة من مدرجات كأس العالم وبيقول ‘ده احنا طلع معندناش حريم في مصر'”.
رد فعلها على التعليقات المسيئة
وأضافت: “الموضوع اتكرر جامد جدًا، طبعًا دخلت أشوف ده مين، طلع أقسم بالله العظيم شكله استغفر الله، ولبسه منتن ومتصور في مكان شكله مفيهوش أي ذوق ولا ترتيب، ده ملهوش إنه يتكلم على ستات مصر كلمة واحدة”.
تسليط الضوء على معاناة المرأة المصرية
وتابعت: “احنا عندنا ستات في مصر قمرات، بس ولايا طالع عينهم علشان يلموا ورا أمثالك يا قذر، عندنا ستات شوفتهم في محكمة الأسرة بعيني رايح راجع، شوفتهم وهم رايحين يقبضوا من وزارة التضامن علشان أنت يا معفن مش عايز تدفع لعيالك جنية، إنما تصرف في الحشيش يا قذر”.
قصص كفاح ملهمة
واستكملت: “ستات مصر وكل واحدة معدية الـ 30 والـ 40 دلوقتي، كانت ضحية لأب رباها تربية صعبة، وكان كابت حريتها ومش واثق فيها ومفرق بينها وبين أخوها، وأمها معندهاش شخصية، وطلعت على بيت زوج بهدلها ورماها في الشارع”.
دعوة للتقدير والاحترام
واختتمت: “راحت دورت على حياة وابتدت من الصفر واشتغلت وربت عيالها على الصح، ودخلت مدارس وعملت دور الأب والأم مع بعض، وحاولت متغلطش غلطان أهلها، ومرضت، مرضت بجد، مفيش حد هيعدي من كل ده من غير ما يتلطش بمرض صعبة، حسبي الله في كل رجل وصل ست، سواء أخته أو بنته أو طليقته، الحتة دي، منكم لله”.
