صاحب فيديو مصطفى كامل يكشف تفاصيل جديدة حول تصويره دون إذنه

أعرب العازف الموسيقي أحمد شاكر عن استيائه الشديد من انتشار الفيديو المتداول للفنان مصطفى كامل، نقيب المهن الموسيقية، الذي وجه من خلاله إساءة إلى أهالي محافظة الشرقية

رد أحمد شاكر على الانتقادات

قال أحمد شاكر في فيديو متداول عبر موقع التواصل الاجتماعي “فيسبوك”: “أنا طالع أتكلم لأنه فيه صناع محتوى كتير هاجموني، إنتوا طالعين تشتموني علشان فيديو مدة دقيقة، إنت حكمت عليا ومتعرفش إيه اللي حصل معايا في التحقيق اللي قاعد ساعة أو ساعة، ومتصورش منه غير دقيقة واحدة بس”

تأثير الفيديو على عائلته

وأضاف: “أنا كان ممكن منزلش الفيديو ومحدش يعرف عنه حاجة، ومحدش يشوف غير 5 أو 6 بس وكلهم فناني يعني هيفهموا كل اللي بقوله، بس أنا قلبي وجعني أوي لما لقيت ابني اللي عنده 6 سنين بيقول لي مين اللي بيشتمك يا بابا وانت ساكت، وصعب عليه نفسي لإني صغرت في نظر أعز ما أملك”

انتشار الفيديو وتأثيره

وتابع: “كنت مشير الفيديو على صفحتي وقولت إنه تم تصويري بدون علمي، وده مش أسلوب نقيب والفيديو انتشر بشكل واسع جدا ومحافظة الشرقية كلها شافته، وأنا راجل محترم والناس كلها عارفة”